My favorites poems from 'Madhushaala'- Harivansh Rai Bacchan

Some important meanings : 
Hala/madhu = drink (wine ), Pyaala = glass, saki = waiter , pathik = traveller

      Musalman aur hindu hai do, ek magar unka pyala,

      ek magar unka madiralay,ek magar unki hala!      
      dono rehte saath na jab tak, mandir-masjid main jate,
      bair badhate mandir-masjid, mel karati madhushala

      madiralay meiN jaane ko ghar se chaltaa hai peenewaala
      kis path se jaaooN asmanjas meiN hai wo bhola bhaala
      alag alag patha batalaathi sab paR maiN ye batalata hooN
      raah pakad tu ek chalaa-chal paa jaayega madhushaala

      ek baras meiN ek baar hee jagti holi kee jwaala
      ek baar hee lagti baaji jalti deepoN kee maala
      duniya waaloN kintu kisi din aa madiraalay meiN dekho
      din ko holi raat diwaali roz manaati madhushaala

      apne yug me sabko anupam gyaat hui apni haalaa,
      apne yug me sabko adbhut gyaat hua apnaa pyaalaa,
      phir bhi wridhon se jab puchaa ek yahi uttar paayaa -
      ab na rahe wah peenewale, ab na rahi wah madhushala

      yam aayega saaqi bankar saath liye kaali haala
      peena hosh meiN phir aayega sura wisudh yeh matwaala
      yeh antim behoshi antim saaqi antim pyaala hai
      pathiK pyaar se peena isko fir na milegee madhushaala

      naam agar pooche koi to kehna bas peene-waala      
      kaam dhaalna aur dhaalna sab ke madiroN ka pyaala
      jaati priYe pooche yadi koi keh dena deewanoN kee
      dharM batana pyaaloN ki le maala japna madhushaala

      aur chitha par jaaye unDela paatR na ghRith ka par pyaala
      GhanT bandhe angoor latha meiN madhya na jal ho par haala
      praan-priye yadi SHraadH karO tum mera to aise karna
      peene-waaloN ko bulwa kar khulwa dena madhushaala

      choTe se jeewaN meiN kitna pyaar karooN peelooN haala
      aane ke hee saath jagat meiN kehlaaya jaane-waala
      swaagat ke hee saath hi wida ki hothi dekhi tayyaari
      band lagi hone khulte hee meri jeewan madhushaala

      laalayeet adhRoN se jisne haaye nahiN choomi haala
      harshit kampit kar se jisne haay madhu ka chooaa pyaala
      haath pakaD kar lajjit saaqi ko paas nahiN jisne kheencha
      wyarth sukha Daali jeewan kee usne mahdumay madhushaala

      haathon me aane se pahle naaz dikhaayegi pyaalaa,
      adharon par aane se pahle adaa dikhaayegi haalaa,
      bahutere inkaar karega saaki aane se pahle;
      pathik, na ghabraa jaanaa, pahle maan karegi madhushla


      madiraalaya me kab se baitha, pi na sakaa ab tak haalaa,
      yatna sahit bhartaa hun, koi kintu ulat detaa pyaalaa,
      manav-bal ke aage nirbal bhaagya, suna vidyaalaya me,
     'bhaagya prabal, manav nirbal' ka paat padhaati madhushala